Meteorîta 100 kîloyî wek "Meteorîta hesin a herî mezin a Îranê" îro li Mûzexaneya Meteorîtan a Birca Azadîyê hat nimandin.

Li gorî rapora ISNAyê, Giranîya vê meteorîtê (kevirên ku ji fezayî derbasî atmosfera Seyroka Erdê bûne û li erdê ketine) 100 kîlogram e û li Mûzexaneya Meteorîtan a Birca Azadiyê ya Tehranê tê parastin; mûzexaneya ku ji 8 salan beriya niha va hatiye vekirin û tê da 1200 heb meteorît tên parastin.

Meteorît ji cûreyên "Hesin", "Kevirê Hesin" û "Kevirîn" in û ev yek ji cûreya hesin e.

Meteorîtên "Hesin" li navoka hûre-seyrokên (Asteroid) veguhertî çê bûne; ji hûre-seyrokên ku heliyabin û haleta wan a seretayî veguherîbe, hûreseyrokên veguhertî tê gotin.

Dema ku ev hûre-seyrok dihelin, Nîkêla wan li navoka wan dadiwerive; Erd jî seyrokek e û navoka wê ji hesin û nîkêlê ye. Vêca eger rojek bê û Erd û seyrokeke din li hev kevin, dê ji hev hilweşe û gişt parçeyên wê ji navok û posteyê wê li fezayê belav bibin.