Sûlava Şêr Abadê; Bedewiyeke bêhempa li nav daristanên Gulistanê
Sûlava Şêr Abadê komsûlaveke pêkhatî ji heft sûlavên biçûk û mezin ji bedewiyên bêhempa yên parêzgeha Gulistanê li bakûrê Îranê ye.
Li gorî rapora IRAN Pressê, Hebûna daristan, çem, golên sipehî û sûlavên zehf, parêzgeha Gulistanê kiriye armancek ji bo gerra xwezahez û geştyaran.
Di vê navberê da Sûlava Şêr Abadê ji yek ji komsûlavên xweşik li Îranê ye.
Sûlava sipehî ya Şêr Abadê ji mîratên xwezayî û neteweyî yên Îranê û ji şûnwarên geştyariyê yên parêzgeha Gulistanê, şaristana Ramyanê ye û bi awayê neteweyî jî hatiye tomarkirin.
Sûlava Şêr Abadê di heyama salê da xweşik e û balê dikişîne; Lê dema herî baş a serdana parêzgeha Gulistanê ji bo dîtina vê sûlavê, rojên germ ên havînê ye û geştyar kêfa xwe bi hewayê wê yê xweş û hênik di demsala germayê da tînin.
Peyaçûna li nav daristanên xweşik li kêleka çemekî herikbar û temaşekirina sûlavên Şêr Abadê, bîreweriyeke xweş ji bo geştyaran li vî cihê parêzgeha Gulistanê bi cî dihêle.
