Amazonê "Servîna Înterneta Alexa"yê piştî 25 sal bikaranînê qut kir
Servîsa Înternetî ya Alexa'yê (Alexa Internet service) ku têkildarî analîz û rêzebendiya trafîka webê û ser bi Kompaniya Amazonê bû, roja 1ê Gulana 2022an ji çalakiyê hat xistin.
Rêveberê Malpera Alexa'yê di vî warî da tu şiroveyek raber nekir û tenê sipasiya abone û mixabetên xwe kir û nivîsî ku ev biryarek dijwar bûye.
Servîsa Alexayê sala 1996an ji aliyê du karsazên webê yanî Brewster Kahle û Bruce Gilliat va hat damezirandin. Navê vê malperê wek rêzgirtina li pirtûkxaneya Skenderiye (Alexandria) li Misirê wek cihwarekî mezin ê taybetî zanisstê hat bijartin.
Vê kompaniyê amûrek hebû ku li gorî analîzkirina têketin-derketina bikarêneran dikarî ji wan ra bibêje ku piştî serdana rûpeleke webê, serdana kîjan rûpelî bikin. Alexayê her wiha gelek taybetmendî bi awayê belaş pêşkêşî xwedî û rêveberên malperan dikir, di nav da, nîşandana hejmara serdaneran, tevahiya serdanan, lînkên têketinê, navgîna dema ku serdaner di malperê da dimînin û hejmara rûpelên serdankirî ji aliyê her bikarênerekî va û cûreyên matorên lêgerîna li Înternetê.
