Dewama êrişên Rejîma dagirker û şerê jînosaydê li Xezzeyê
Welatên cîhanê di halekê de van rojana mijûlî lidarxistina cejnsa sala nû ya zayînî ne ku êrişên rejîma dagîrker û şerê jînosaydê yê vê rejîmê li dijî filistîniyên Xezzeyê ew 446 roj in ku tim didome.
Bombebarana navçeyên curbicur ên Zîvala Xezzeyê ji sietên serê sibê çarşemiyê ve bûne sedema şehîdbûna 9 kesî û her wiha 15 kes jî birîndar bûne.
Hisam Ebû Sefiye, Rêvebirê Nexweşxaneya Kemal Edwan li Xezeyê tekez kir ku artêşa terorê di halê wêrankirina vê nexweşxanê ye û 20 kes li beşên curbicur ên nexweşxaneyê birîndar bûne ku 5 ji wan kadroyên dermankirinê ne.Leşkerên siyonîst her wiha êrişî kampa Belatê li rojhilatê Nablosê kirin û hejmarek ciwan girtin.
Artêşa Siyonîst di çarçoveya binpêkirina peymana agirbesê ya bi Libnanê re, îro êrişeke hewayî ser parêzgeha El-Beqa li rojhilatê Libnanê pêk anî.
Hizbullaha Libnanê heta niha pabendî agirbesê bûye lê artêşa Rejîma Siyonîst bi caran agirbes binpê kiriye.
Wezareta Tenduristiyê ya Xezzeyê ragihand ku ji 7ê Cotmeha 2023an vir ve hejmara şehîdên şerê Xezzeyê gihîştiye 45 hezar û 361 kesan û hejmara birîndaran jî gihîştiye 107 hezar û 803 kesan.
Di eynî demê de têkoşerên Berxwedana Filistînê êrişên xwe ser hêzên siyonîst li Xezzeyê didomînin û hêzên Tabûrên Qudsê jî bi topên hawanê êrişî dagirkeran kirin.Têkoşerên Seraya El-Quds jî di daxuyaniyekê de ragehandin ku navenda fermandetî û kontrolê ya hêzên Îsraîlê li rojavayê mêhwera Nêtsarîmê bi mûşekên kinmenzîl ên 107`ê dane ber êrişan.
Medya Rejîma Siyonîst derbarê revîna leşkerên vê rejîmê ji meydana şer û tirsa ji rûbirûbûna bi têkoşerên Berxwedana Filistînê agahî dan di halekê de ku Binyamîn Netanyahu biryara xwe ya jibo jinavbirina Hemasê radigehîne agahiyên meydanî tekez dikin ku Îsraîl di halê lawaztirbûnê da ye.
