Emîr-Ebdullahiyan: Komara Îslamî ya Îranê piştevana aştiyê û dijbera şêrr e
Wezîrê Karên Derve yê Îranê îdiayên derbarê bikaranîna xwefirrên îranî li Ukraynê nedurist zanî û got: Komara Îslamî ya Îranê piştevana aştiyê û dijbera şêrr e.
“Hisên Emîr-Ebdullahiyan” Wezîrê Karên Derve yê Îranê roja Yekşemiyê di pey hilêxistina îdiayên bêbingeh derbarê şandina xwefirrên îranî bo Rûsyê ji bo bikaranîna di şerê Ukraynê da, li twitterê nivîsî: Îdiayên li ser bikaranîna xwefirrên îranî li Ukraynê ne durist in.
Emîr-Ebdullahiyan her wiha nivîsî: Biryar bû duyemîn hevdîtina desteyên siyasî û leşkerî yên Îran û Ukraynê were lidarxistin, lê hin aliyên rojavayî tenê îdia dikin û ti belgeyekê raber nakin.
Wezîrê Karên Derve yê Îranê tevî tekeziya li ser vêya ku welatên rojavayî divê dest ji vê lîstika bêencam bikişînin, ragihand: Îran piştevana aştiyê û dijbera şêrr e.
Rayedarên Komara Îslamî ya Îranê bi caran îdiayên derbarê şandina alîkarî û çekan bo Rûsyê ji bo bikaranîna di şerê Ukraynê da red kirine.
