Wezîrên derve yên Îran û Omanê bi rêya telefonê axivîn
Husên Emîr-Ebdullahiyan wezîrê derve yê Îran û Bedr Bûseîdî wezîrê derve yê Omanê di gotûbêja telefonî da alûgorên herî dawî yên gotûbêjên ji bo rakirina boykotan û danûstandinên du welatan vekolandin.
Li gorî rapora IRNAyê, Husên Emîr-Ebdullahiyan êvara Yekşemiyê di vê gotûbêja telefonî da tevî tekeziya Îranê ji dema destpêkirina gotûbêjên ji bo rakirina boykotan ji bo pêkhatina lihevkirineke baş, bihêz û mayînde, sipasiya hewildanên Omanê di vê rêkê da kir.
Wî her wiha li ser pêwîstiya cihanîna tam a biryar û lihevkirinên rayedarên payebilind ên du welatan di beşên cûr bi cûr da tekez kir.
Bûseîdî jî di vê gotûbêjê da rola Îranê li navçeyê girîng zanî û tekezî li ser berfirehkirina hevkariyan di asta navçeyê da kir.
Bedr Bûseîdî dewama hewildana ji bo bidestxistina lihevkirinên du welatan girîng û bibandor nirxand.
