Îranê kiryara terorîstî li nêzikî balyozxaneya Rûsiyê li Kabulê şermezar kir
Berdevkê Wezareta karên derve ya Îranê kiryara terorîstî û êrîşa li ser hewşa derveyî ya beşa konsûlî ya Balyozxaneya Rûsiyê li Kabulê ku di encamê da du endamên balyozxaneyê û hejmareke serdaneran hatin kuştin, bi tundî şermezar kir.
Nasir Kenanî Çafî, Berdevkê Wezareta karên derve ya Îranê roja Duşemiyê tevî diyarkirina hevxemiyê digel dewleta Rûsiyê û malbata du endamên balyozxaneya vî welatî li Kabulê û malbatên candayiyên din ên efxanistanî di vê êrîşa terorîstî da, ji rayedarên Efxanistanê xwest ku tevdîrên cidîtir ji bo dabînkirina ewlehiya balyozxane û cihên dîplomatîk li vî welatî bigirin ber xwe.
Ji ber kiryara terorîstî ya roja Duşemiyê li nêzikî balyozxaneya Rûsiyê li Kabulê, herîkêm 20 kes hatin kuştin û birîndar bûn.
Wezareta karên derve ya Rûsiyê piştrast kiriye ku du dîplomatên vî welatî di vê bûyerê da hatine kuştin.
