Reyîsî: Hildana tola şehîd Seyad Xodayî ji cinayetkaran tekûz e
Serokê Komara Îslamî ya Îranê tevî pîrozkirin û sersaxîdana ji ber şehîdbûna pasdar Seyad Xodayî bo malbata wî û Sipaha Pasdarên Înqilaba Îslamî, got: Hildana tola xwîna şehîd Seyad Xodayî ji cinayetkaran tekûz e.
Berevanê Heremê, serhengê Pasdar Seyad Xodayî roja Yekşemiyê kete ber cinayeta terorîstî ya dije-Înqilabê û sebebkarên ser bi istikbara cîhanî û şehîd bû.
Seyid Îbrahîm Reyîsî, Serokê Komara Îslamî ya Îranê roja Duşemiyê beriya terikandina Tehranê ber bi Mesqeta paytexta Omanê, bal kişande ser terorkirina şehîd Seyad Xodayî û got: Şopandina vê rûdanê dê bisselimîne ku bê guman destê istikbara cîhanî li paş vê cinaayetê heye.
Reyîsî got: Kesên ji li hemberî hêzên berevanê herîm û heremê têk çûn, dixwazin bi vî awayî têkçûn û lawaziya xwe nîşan bidin.
Serokê Komara Îslamî ya Îranê her wiha tevî amajeya bi serdana xwe ya Omanê got: Ev serdan li ser vexwendina fermî ya Heysem bin tariq siltanê Omanê pêk tê.
Serokê Komara Îslamî ya Îranê asta niha ya hevkariyên Îran û Omanê guncan nezanî û got: Vîn û biryara du welatan xurtkirina asta pêwendiyan di warên ticarî, veguhestin, enêrjî, geştyarî û bi taybet geştyariya tenduristiyê ye.
