Berdevkê Wezareta karên derve ya Komara Îslamî ya Îranê berbanga Çarşemiyê qala pêşketina gotûbêjên Rafaêl Grosî Rêveberê giştî yê Ajansa Navneteweyî ya Enêrjiya Atomê di gel Muhemed Îslamî Serokê Rêxistina Enêrjiya Atomê ya Îranê kir.

Seîd Xetîbzade, Berdevkê Wezareta karên derve ya Komara Îslamî ya Îranê di hevpeyîvînan di gel Press TV'yê got: Gotûbêjên navbera Îslamî û Grosî bûne sebeba pêşketinan û kêmbûna nakokiyan li ser çend mijaran.

Li gorî nivîsîna Press TV'yê, Berdevkê Wezareta karên derve ya Komara Îslamî ya Îranê her wiha ragihand: "Ez naxwazim hûrgiliyan şirove bikim, lê dikarim pêşbînî bikim ku du alî bi zûtî li hev bikin."