Alîkarê siyasî yê Wezareta derve ya Îranê û gotûbêjkerê payebilind ê Îranê di gotûbêjên Viyenê da got: Îran bi pêşniyarên avaker û sûdmend derbasî dora nû ya gotûbêjên Viyenê bûye.

Li gorî rapora IRIB Newsê, Elî Baqirî Kenî, Alîkarê siyasî yê Wezareta derve ya Îranê û gotûbêjkerê payebilind ê Îranê di gotûbêjên Viyenê da roja sêşemiyê piştî hevdîtina di gel rayedarên rûsî li Moskoyê bi gotina vê yekê ku pêwendiyên Îran û Rûsiyê mînak in û di warên cûr bi cûr da didomin, got: Îran di mijarên cûr bi cûr da di gel Rûsiyê dişêwire û derbarê gotûbêjên Viyenê jî ji pêş va di gel rayedarên rûsî hin şêwirîn pêk hatine.

Baqirî Kenî got: Di dora npû ya gotûbêjên Viyenê da jî bi riyên cûr bi cûr di gel Rûsiye û Çînê gotûbêj pêk hatiye.

Alîkarê siyasî yê Wezareta derve ya Îranê û gotûbêjkerê payebilind ê Îranê di gotûbêjên Viyenê da destnîşan kir: Di dora nû ya gotûbêjan da Komara Îslamî ya Îranê pêşniyarine gelekî sûdmend û avaker di du mijarên rakirina boykotan û kiryarên navokî da raber kirin ku dikarin pêvajoya gotûbêjan bi awayekî cidî bi pêş da binin.