Serokê Herêma Kurdistanê jibo beşdariya di merasima sondxwarina sêzdehemîn dora serokatiya Komara Îslamî ya Îranê gihîşte Têhranê.

Li gorî rapora Rûdawê, Nêçîrvan Barzanî, Serokê Herêma Kurdistanê îro bi mebesta beşdariya di merasima Sondxwarina Ibrahîm Reyîsî serokomarê nû yê Îranê da, gihîşte Têhranê.

Îro Pêncşemî, 5ê Tebaxa 2021ê, merasima sondxwarina Ibrahîm Reyîsî dê were lidarxistin.

Sifîn Dizeyî berpirsê peywendiyên derve, Muhemed Muhemed Seîd wezîrê çandê, Kowîstan Muhemed Wezîra kar û Rêvaz Fayîq seroka Parlimana Herêmê jî hevrêtiya Nêçîrvan Barzanî dikin.

Her wiha Nazim Debax nûnerê hikûmeta Herêma Kurdistanê jî di desteya pê ra heye.