Serokomarê hilbijartî yê Îranê got: Ez ê dewleteke pirrxebat, înqilabî û dijî gendeliyê damezirînim.

Seyid Ibrahîm Reyîsî, Serokomarê hilbijartî yê Îranê roja Şemiyê piştî serketina di dora sêzdehem a hilbijartina serokomartiya Îranê da bi daxuyaniyekê ragihand: Gelê hêja yê Îranê, hilbijartina duh nîşana xwedêbawerî, gelbawerî û xwebaweriya neteweyî û cejna mezin a siyasî ya we di pêngava duyem û destpêka sedsala nû da bû ku di dem û rojên jidayîkbûna Îmam Reza (S) pêk hat.

Reyîsî tevî amajeya bi vê yekê ku hilbijartiyê vê hilbijartinê li gorî qanûna demokrasiya dînî, hilbijartiyê tevahiya gel û xizmetkarê tevahiya komarê ye, got: Wisa ku ez di vê hilbijartinê da wekî serbixwe beşdar bûm, ez ê bi piştevaniya dengên pirr û baweriya we ya kêmmînak, dewleteke pirrxebat, înqilabî û dijî gendeliyê damezirînim û em ê ber bi berfirehkirina dadmendiyê, wek memûriyeta mihwerî ya Înqilaba Îslamî bimeşin.