Şanoya Mem û Zînê ya bi zimanê Kurdîya Kurmancî van rojan li bajarê Ûrmiyê (bakûrê rojavayê Îranê) li ser dikê ye.

Şanoya Mem û Zînê wek xebatek ji aliyê koma şanoyê ya Textereşê ku ji roja 31ê Tebaxê va dest pê kiriye, dê heta 9ê Îlona 2022an li Navenda Çandî û Hunerî ya bajarê Ûrmiyê mazûvaniya hezkiriyan bike.

Derhêner û nivîskarê vê şanoyê Resûl Bangîn, wergêra şanoyê Neşmîl Nizamî, beşa stranê Reza Hinare û lîstikvanên wê Cefer Pakniya, Mayîde Darlekî, Torec Pakpûr, Semane Mîrzayî, Irfan Soheylî, Nîhad Ceferî, Mojgan Esgerî, Kerîm Bedelî Azer, Mehîn Encumen, Diyako Dêylemî, Şehram Persa û Firûx Kenanî ne.

Mem û Zîn şahkareke wêjeya kurdî ye ku ji aliyê helbestvanê navdar Ehmedê Xanî va hatiye hûnandin.