Li Qamişloyê: Komîteya Koçberên Serêkaniyê şevbuhêrkek li dar xist
Bi diruşma "Vegera ewle armanca me ye" Komîteya Koçberên Serêkaniyê li hola "Zanîngeha Rojava" ya li Qamişloyê şevbuhêrkeke wêjeyî û hunerî li dar xist.
Hawar Newsê nivîsiye: "Di şevbuhêrkê de gelek koçberên Serêkaniyê, şandeyek ji "Rêveberiya Xweser a Demokratîk" a herêma Cizîrê, rewşenbîr, hunermend û nûnerên ji saziyên sivîl û civakî, bijîşk û hin welatiyên Qamişlo amade bûn.
Di şevbuhêrkê de tabloyên hunerî li ser mîrasa Serêkaniyê hatin pêşandan. Tablob yên hunermendên ji Serêkaniyê, Fêrona Ebdikê, Medya Emranî û Nûrhîn Elî ne.
Di şevbuhêrkê de endamê Komîteya Koçberên Serêkaniyê Ehmed Cemîl bixêrhatina beşdaran kir û li ser girîngiya vê şevbuhêrkê axivî.
Dûvre sînevîzyonek li ser bedewbûn û mîrasa Serêkaniyê ya beriya dagirkirina wê ji hêla dewleta Tirkiyê ve û piştî dagirkirinê hate pêşandan. Li kêleka wê jî helbestvan Yûsif Berazî helbestek xwend.
Helbestvan Anahîta Sîno jî du helbest xwendin, tê de azar û êşa Serêkaniyê û xwesteka vegera li bajêr gotin. Li aliyekî din jî helbestvan Mistefa Sîno du helbest li ser wêrankirina
Serêkaniyê ji hêla dewleta Tirkiyê û çeteyên girêdayî bi wê ve xwendin û Bi stranên hunermenda opera Mizgîn Tahir şevbuhêrk bi dawî bû.
