SAHAR

Tîma neteweyî ya fûtbala Îranê di pêşbirka xwe ya dawiyê ya qonaxa seretayî ya Kupa cîhanî ya 2022an a Qeterê, li hemberî tîma Libnanê bi ser ket.

Tîma neteweyî ya fûtbala Îranê îro li werzîşgeha Îmam Reza (S) a bajarê Meşhedê û bi beşdariya zêdetirî 12 hezar kesî, bi 2 gulan ji Libnanê bir û bi 25 puenan bi awayê demkî di koma xwe da bû yekem.

Serdar Azimûn di deqîqeya 35an û Elîreza Cehanbexş jî di deqîqeya 72an gulên Îranê avêtin.

Di Koma A ya pêşbirkên seretayî yên Kupa cîhanî ya Fûtbalê da, derbasbûna tîmên Îran û Koreya Başûr bo Kupa cîhanî ya 2022ab a Qeterê tekûz bûye û tîma Imaratê di rêza sêyem da û ji dawakerên beşdariya di pêşbirka Play-Off'ê ye.