SAHAR

Platforma Çandê ya Helebê li taxê Şêxmeqsud pêşangehek ji nîgarên zarokan re vekir.

Li gorî nûçeya Hawar Newsê (ANHA), Pêşangeh li holê civînan a girêdayî Meclisa Sûriye Demokratîk hate vekirin. Her wiha nûnerên Kongreya Star, meclisa giştî ya taxên Şêxmeqsud û Eşrefiyê, Tevgera Ciwanên Şereşger ên Sûriye, dayik û malbatên zarokan tev li pêşangehê bûn.

Di pêşangehê de derdora 32 nîgarên ku 24 zarokan çêkirine, hatin pêşandan.

Yek ji Rêveberên Platforma Çandî ya Helebê Ehmed Bîrhat axivî û beşdarbûna tevahî zarokan di pêşangehê de pîroz kir.

Di dawiya pêşangehê de xelat ji aliyê rêveberiyên platformê li ser zarokên ku beşdarî pêşangehê bûn, hat belavkirin.