Amedsporê bi encama 3-1 Velimeşespor têk bir
Tîma futbolê ya Amedsporê ku di Grûba Spî ya Lîga Duyem a Futbolê ya Tirkiyê de dilîze, bi 3 golan ji tîma Velimeşespor bir û sê xalên(Puanên) giring ên vê lîstikê bi dest xist.
Îro herdu tîmên Amedspor û Ergene Velimeşespor li Stadyuma Amedê ya nû hatin pêşberî hev. Ergene Velimeşespor di destpêka lîstikê de xweş lîst û karî di xûleka 10an de golekê tomar bike û bi encama 1-0 bi pê ket.
Piştî ku gola yekem a lîstikê û tîma Ergene Velimeşespor hat tomarkirin, tîma Amedsporê hewl da kontrola lîstikê bike û hewl da gola wekhev tomar bike û di xûleka 31an de lîstikvan Alper gola yekem a Amedsporê tomar kir û encam bû 1-1 wekhev.
Tenê pênc xûlekan piştî gola yekem, bi gola Mansur ya bi serê xwe lê da, Amedspor di xûleka 36an de gola xwe ya duyem jî tomar kir û bi encama 2-1 ket pêşiya rikeberê xwe.
Dewra pêşî ya lîstikê bi encama 2-1 bi serdestiya Amedsporê bi dawî bû.
Di dewra duyem de jî aliyê serkeftî Amedspor bû. Piştî gelek hewldanan Amedsporê di xûleka 89an de bi gola lîstikvanê xwe Sinan encam cardin guhert û kire 3-1 û pêşbirk bi heman encamê di berjewendiya Amedsporê de bi dawî hat.
Bi vê serkeftinê û bidestxistina 3 xalên din, tîma Amedsporê hejmara puanên xwe gihand 23an û bi vî awayî di rêza 6an a Lîga Duyem de cih girt.
