Nîşandayîna fîlmên 7 mêhriganên cehanê li Mêhrigana Navnetewî ya Kurtefîlmên Sedçirkeyî ya Îranê
Sêkrêtêrê yazdehemîn dewra Mêhrigana Navnetewî ya Kurtefîlmên Sedçirkeyî ya Îranê got: Fîlmên ku ji 7 mêhriganên cehanî giheştine destê me yê li yazdehemîn gerra Mêhrigana Navnetewî ya Fîlmên Sedçirkeyî ya Îranê bên nîşandanê.
Elî Qurbanî sêkrêtêrê yazdehemîn dewra Mêhrigana Navnetewî ya Kurtefîlmên Sedçirkeyî ya Îranê îro li koma nûçegihanan got: Fîlmên ku li mêhriganên fîlman ên Jênêv, Efganistan, Boston, beşeke mêhrigana Can`ê, Libnan, Pakistan û Çînê hatine raberkirinê, yê li Mêhrigana Navnetewî ya Kurtefîlmên Sedçirkeyî ya Îranê bên nîşandayînê.
Qurbanî herwiha got: Li beşa pêşbirkê 1970 fîlm ji 101 welatan jibo yazdehemîn dewra Mêhrigana Navnetewî ya Kurtefîlmên Sedçirkeyî ya Îranê hatine şandinê ku 59 fîlm jibo beşa pêşbirkê hatine bijartinê.
Qurbanî herwiha got: Amerîka bi 2017 fîlman, Hind bi 203, Ingilîs bi 89 û Tirkîye bi 74 fîlman li yazdehem Mêhrigana Navnetewî ya Kurtefîlmên Sedçirkeyî ya Îranê pişkdar bûne.
Sêkrêtêrê yanzdehemîn dewra Mêhrigana Navnetewî ya Kurtefîlmên Sedçirkeyî ya Îranê herwiha got: Naverok û durişma vê mêhriganê `` exlaq û şêwaza jîyanê, exlaq û çanda karkirinê û exlaq û aborîya ser bingeha berxwedanê`` ye.
Yazdehemîn dewra Mêhrigana Navnetewî ya Kurtefîlmên Sedçirkeyî ya Îranê ji 22 heta 24`ê Sibatê yê li komavahîya sînemayê ya Azadîyê li Têhranê bê lidarxistinê.
