Sertîp Heyderî: Tu xeterek Îranê tehdîd nake
Fermandê hêza bejahiyê ya artêşa Komara Îslamî ya Îranê got: Tu xeterk Îranê tehdîd nake û ti şerek li ber welêt nîne.
Emîr sertîp Kiyûmers Heyderî roja yekşemê li Hemedanê li rojava Îranê û li nava koma nûçegîhanan bal kişand ser rol û cih û şûna giring a şehîdên dewrana berevaniya pîroz bona ewlehî û aramiya niha li Îranê û got: Rast e tu welatek gefê li Îranê naxwe, lê nabe em ji amadetiyê xafil bin û li gor fermanên Hz. Ayetullah Xamineyî, fermandê giranqedr ê gişt hêzan, em divê hertim xwe di çeperê de bibînin.
Fermandê hêza bejahiyê ya artêşa Komara Îslamî ya Îranê her wiha bal kişand ser qawet û hêza bergîriyê ya Îranê û destnîşan kir: Welatên ku li hêla dijminên Îranê ne û dewa bikaranîna hêzên leşkerî li dij welatê me dikirin roja îro berê xwe dane fêl û fendên neleşkerî û eva encama beşdarî, rawestan û cihhatina xala sekinîna ser piyê xwe li nava hêzên çekdar ên Îranê ye.
Sertîp Heyderî destnîşan kir: Hemî kelûmelên eskerî û hêzên çekdarên Îranê berhemên navxweyî û xwecî ne û Komara Îslamî ya Îranê qet pişta xwe bi biyaniyan re girênedaye .
Fermandê hêza bejahiyê ya artêşa Komara Îslamî ya Îranê destnîşan kir: Hêzên çekdar ên Îranê, îro gihêştine qawetekê ku dê bersiva her gefeke muhtemel bi tundî bidin.
