SAHAR

Gotinên rêberê qedirgiran ê Şoreşa Islamî yên di xutbeyên nimêja înîyê ya Têhranê ya îro da bi awayekî berfire li medya û şebekyên civakî yên navçê û cîhanê deng vedan.

Şebekeya nûçeyan a SKy News a Ingilîsê bal kişand ser gotinên rêberê qedirgiran ê Şoreşa Isalmî di xutbeyên nimêja înîyê ya îro li Têhranê da û pêgirî kir ku wî misilman ji bo yekitîya dijî Isarayîlê wek dijminê hevpar û destdirêjker vexwend.

Nûçegîhanê Şebekeya NTV ya Tirkîyê jî dîmen û raporên beşdarbûna berfire ya gelê Îranê di nimêja înîyê ya Têhranê da weşand û got: Îranê hêz û şîyana xwe ray da û peyama Ayetullah Xamineyî bo cîhana islamê peyama yekitîyê bû.

Şebekeya Nûçeyan a CNN, Şebekeya BBC û Ajansa Nûçeyan a Fransayê jî bal kişandin ser beşdarbûna rêberê qedigiran ê Şoreşa Islamî di nimêja înîyê ya Têhranê ya di vê hefteyê da û ragihandin, bi hezaran kes di nimêja înîyê ya kêm-mînak a bi pênimêjîya Ayetullah Xamineyî da li nimêjgeha mezin a Têhranê beşdar bûn. Alayên Filistîn û Libnanê di destê hejmareke zêde ya beşdarên vê merasimê da xûya dikin.

Rojnameyên Guardian. Dêylî Telegiraf, Timz a Londonê jî di raporên xwe da cî dan beşeke gotinên rêberê Şoreşa Islamî û pêgirî kirin ku rêberê Îranê pêgirî ser pêwîstîya yekitîya misilmanan a dijî dijminê hevpar kir. 

Hemî şebekeyên nûçeyan ên Pakistanê jî programên xwe rawestandin û nimêja înîyê ya bi pêşnimêjîya hezretê Ayetullah Xamineyî bi awayekî zindî weşandin. 

Şebekeya Al Mesîre ya Yemenê, Şebekeya Al Jazeera, Şebekeya Al Ehd a Libnanê, Al Mayadeen a Libnanê, televîzyona hikûmeta Sûrîyê, Şebekeya El Ged a Iraqê û şebekeya nûçeyan a Cezayirê jî beşeke axavtinên rêberê Şoreşa Islamî weşandin û pêgirî kirin ku peyama rêberê Îranê ``yekitîya misilmanan li himber dijminê hevpar ê sîyonîst bû. 

Hindostan Timez, Ajansa Nûçeyan a Efe ya Spanyayê, Rojnama El Payîs a Spanyayê, Ekonomîk Times, Ajansa Nûçeyan a Times`ê jî beşeke gotinên rêberê qedirgiran ê Şoreşa Isalmî di xutbeyên nimêja înîyê ya îro li Têhranê çap kirin.