“Sîyaseta Tehranê derheq Komara Azerbaycanê parastin û pêşxistina peywendîyan e”
Berdevkê Wezareta Karên Derve ya Îranê got: “Sîyaset û helwesta isûlî ya Komara Îslamî ya Îranê têkildarî peywendîya digel welatên cînar ên wekî Komara Azerbaycanê ser bingeha parastina peywendîyan û pêşxistina wan e.”
Berdevkê Wezareta Karên Derve ya Îranê ‘Nasir Kenanî’ îro li rex Mêhrigana Navneteweyî ya “Nîşana Zanist û Çandê ya Şehryar” li şarê Tewrêzê, navenda parêzgeha Azerbaycana Rojhilat li bakur-rojavayê Îranê têkildarî rewşa peywendîyên dîplomatîk ên Îran û Komara Azerbaycanê piştî bûyera êrişa ser balyozxaneya vî welatî li Tehranê got: “Sîyaseta fermî ya Îranê derheq peywendîyên digel welatên cînar ser bingeha parastina peywendîyan û pêşxistina wan e.”
Kenanî wek berteka himberî gotinên vê dawîyê yên hin rayedarên Komara Azerbaycanê ku dibêjin êrişa ser balyozxaneya wî welatî li Tehranê li gorî planê bûye û derheq hin pêşbînîyên li ser daxistina konsulxaneya Komara Azerbaycanê li Tewrêzê jî got: “Helwesta fermî ya Îranê di vî warî da tam zelal û dîyar e û Komara Îslamî ya Îranê ti planek ji bo daxistina konsulxaneya Komara Azerbaycanê ya li Tewrêzê tineye.”
Berdevkê Wezareta Karên Derve ya Îranê herwiha ji ber karesata erdhejê ya li Tirkîye û Sûrîyê qewimî, xwe şirîkê xema dewlet û gelên wan du welatan zanî û got: “Komeleya Hîva Sor a Komara Îslamî ya Îranê şandina alîkarîyên mirovdostîyê û komên hawargiheştin û pizişkîyê bo deverên erdhejêketî yên Tirkîye û Sûrîyê dişopîne.”
