SAHAR

Alûgurên bajarê stratejîk ê Helebê li bakurê Sûriyê li her du warên siyasî û eskerî di rojeva nûçên medyayê cîhanê de ne.

Piştî şikesta agirbesa li gorî hevhatina Rûsiyê û Emerîkayê li Sûriyê pêvajoya  alûgurên Helebê ketîye lezê û meydana şêr li Helebê meydan jibo terorîst û neyarên çekdar qaşo navînrê teng kirirye.

 Serketina  artêşa Sûriyê bi alîkariya hêzên gelanî li navçên  curbicur  ên Helebê muadile guhertine û şer li vê navça  stratejîk bûye wek mirin û jiyanê jibo neyarên  çekdar û terorîstan.

Artêşa Sûriyê û hêzên hevpeymanên wê roja yekşemiyê li dewama  pêşdeçûnên xwe li bakurê rojhilata  Helebê kontrola nexweşxana El-Kêndî û navçên  El-Beqare û El-Şeqîfê li vê navçê  girtin destê xwe û tev terorîstan li navçên Bustan  El-Başa û Şêx Xizrê li rojhilata  Helebê ketine pevçûneke giran.

Li gorî gotina  yek ji eskerên sûrî, nexweşxana  El-Kêndî piştî sê rojan bi alîkariya artêşê û hêzên berxwedana gelanî azad bû. Xêncî viya  artêşa Sûriyê  kontrola  du navçên stratejîk ên  El-Cindol û El-Ewîcê xist destê xwe û vê serketinê terorîst û neyarên  çekdar li navçên  rojhilata Helebê pirtir xistine nava dorpêçê.

Hevgavê sedestiya hêzên sûrî  li bereya  Helebê erkantiya giştî ya  artêşa Sûriyê ji endamên çekdar ên ser bi grûpên  neyar û terorîst xwest ku  ji navçên  rojhilata  bajarê Helebê derkevin.

 Erkantiya giştî ya artêşa Sûriyê ragihand ku  navendên  fermandehiya artêşa Sûriyê û Rûsiyê garantî dike ku  endamên çekdar bi ewlehiya tam ji navçên rojhilata Helebê derkevin û di eynî demê de alîkariyên  pêwîst bidin wan.

Artêşa Sûriyê hevgavê şêrr li bereya Helebê bi hevkariya  Rûsiyê operasyona  şandina alîkariyên  însanî bo bajarê Helebê daniye nav bernama  karên xwe. Navçên rojhilata  Helebê di kontrola  neyarên  çekdar ên sûrî qaşo navînrê de ye û nêzîkî 250 hezar sûrî li van navçana  di bin dorpêça wan de ne.

Ji ber zêdebûna nifûsa navçên  rojhilata  Helebê welatên rojavayî û dewekarên mafên mirovan bi tawanbarkirina  Sûriyê û Rûsiyê êrişên  li van navçana  şermezar dikin. Eva li halekî ye ku Sûriye û Rûsiye riyên taybet jibo derketina  welatiyên hewcedar ên sûrî, kesên çekdar û şandina alîkariyên  mirovhezane bo navçên  rojhilata  Helebê vekirin û çavdêriya wê dikin.

Liv û tevgerên  berfireh ên neyarên çekdar û terorîstan li Helebê rewşa  tendirustî û dermankirinê jibo yên dorpêçbûyî dijwar kiriye û hatin û çûyîna  wan li nav bajêr rastî pirsgirêkan aniye.

Di rewşeke wiha de  reşkirina  rojava bi mehna  alîkariya bo xelkê navçên curbicur ên Helebê bûye  sîlehek jibo şermezarkirina  kiryarên  Sûriyê û Rûsiyê li Helebê.

Di vê çarçovê da Fransa û Spaniya daxwaza lidarxistina  civîna  Konseya  Ewlehiyê ya NY jibo hilkolandina  plana  biryarnama  rawestandina  pevçûnan li Helebê kirin. Vê palnê xwestiye ku  alîkariyên  mirovhezane bo Helebê bên şandinê.

Hewldan û şirova yekalî jibo rawestandina pevçûnan li Helebê bi slogana  welatên rojavayî jibo rawestana li ber terorîzmê dijberî heye, ji ber ku ya ku niha li Helebê tê dîtin meydana  rastîn a şerê li hember terorîzmê ye lê Emerîka û piştgirên wê dixwezin vê cida bikin.  Nihêrîna  rojava  bitaybet Emerîka û hevpeymanên  wê li alûgurên Sûriyê parastina  bereya Helebê jibo neyarên qaşo nerim e da ku  armancên xwe  yên demdirêj li Sûriyê praktîze bikin.