Hevgirtina cîhanî ya medyayan bi Îranê re piştî êrişa rejîma siyonîst
Cîgirê serokê Radyo û Televîzyona Îranê di beşa dervey sînorî de ragihand ku hevgirtina medyaya cîhanê di 16ê Hezîranê de gihîştiye asta xwe ya herî bilin, dema ku kiryara terorîstî ya Rejîma Siyonîst li dijî Saziya Radyo û Televîzyona Îranê hate kirin.
Ehmed Norûzî, Cîgirê serokê Radyo û Televîzyona Îranê di beşa dervey sînorî behsa kempêyna cîhanî ya şermezarkirina terorîzmê li dijî medyayê û ragihandina hevgirtina rojnamevanên li seranserê cîhanê kir û got: Ji destpêka êrişa rejîma Siyonîst ser Îranê ve, me gelek peyam ji rojnamevanên lseranserê cîhanê wergirtine ku hevgirtina xwe bi gelê Îranê re ragehandine û dixwazin di zûtirîn dem de bên Îranê da ku êrişa rejîma Siyonîst lser Îranê û berxwedana gelê Îranê vebêjin.
Norûzî bal kişand ser hevgirtina cîhanî ya medyayan bi Radyo û Televîzyona Îranê piştî kiryara terorîstî ya rejîma siyonîst li dijî vê rêxistinê û got: Dîmena ku pêşkêşvana Radyo û Televîzyona Îranê di heynê êrişa rejîma siyonîst ser vê rêxistinê dexuliqand yek ji kêliyên bêhempa di dîroka medyayê de bû û bû wek hêmaya hêza gelê Îranê.
