Eraqçî: Em dikarin ji tevlîheviyên siyaseta Amerîkayê derbas bibin
Wezîrê karên derve yê Îranê bal kişand ser vê yekê ku gelên mezin di nav zehmetiyan de bihêz dibin û got: Em dikarin ji tevlîheviyên siyaseta Amerîkayê derbas bibin û berjewendî û ewlehiya neteweyî ya Îranê ji dilê van aloziyan misoger bikin.
Seyîd Ebas Eraqçî got: Em di siyaseta xwe ya derve de hertim maqûl û mentiqî tevgeriyane û pîvana me ya sereke berjewendiya gel û welêt bûye û niha jî hema wisa ye û şert û mercên ku ji aliyê serokkomarê nû yê Amerîkayê ve hatine danîn ji bo me ne nû ne û me ev zexta herî zêde berê jî dîtiye. Siyaseta ku hin kes bi henek û tinazî yan jî bi micidî weke zexta herî zêde ya duyemîn dinirxînin, Eraqçî her wiha destnîşan kir ku Îran pabendî dîplomasî û diyalogê ye û got:Em di wê baweriyê de ne ku dîplomasî alternatîveke baştir bo siyasetên yekalî, zextên bi neheq, boykotên zalimane û gef û tirsandinê ye.
