1500 cûre berhemên teknolojîk li Pêşangeha IRAN EXPOyê hatin raberkirin
Rêxistina Pêşxistina Hevkariyên Zanistî û Teknolojîya Navneteweyî ya Cîgirtiya Zanistî, Teknolojî û Abora Zanist-Bingeh a Serokkomartiya Îranê hevdem diogel lidarxistina Pêşangeha IRAN EXPO-2024ê li Mala Dahênerî û Teknolojiyêya Îranê şiyanên hinardekirinê yên dahênerên bijare yên welêt di warên cûrbicûr da nîşan da ku ev yek bû sebeba vebûna deriyekî mezin ê hinardekirinê li ser kompaniyên zanist-bingeh.
Li gorî rapora ISNA'yê, Emîrhisên Mîr-Abadî Serokê Rêxistina Pêşxistina Hevkariyên Zanistî û Teknolojîya Navneteweyî ya Cîgirtiya Zanistî, Teknolojî û Abora Zanist-Bingeh a Serokkomartiya Îranê got: Di van çend rojan da rûdana herî girîng û mezin a hinardekirinê ya Komara Îslamî ya Îranê li Pêşangeha Şiyanên Hinardekirinê (IRAN EXPO) hat lidarxistin. Armanca sereke ya pêşangehê danasîn û nîşandana destkeft û berhemên herî dawî yên Îranî ji bo aliyên derveyî ye.
Wî got: Li vê pêşangehê 700 kompaniyên zanist-bingeh bi şiyana hinardekirinê, destkeftên xwe yên zanistî û teknolojîk nîşan dan.
Mîr-Abadî her wiha got: Li pêşangeha IRAN EXPOyê ya îsal hezar û 500 berhemên teknolojîk ên ji warên cûrbicûr hatine nîşandan.
