SAHAR

Wezîrê karên derve yê Îranê bi gotina vê yekê ku em tu xetên sor ên Nizamê di mijara navokî de binpê nakin û got: Xetên ku ji aliyê rêberê mezin ê inqilabê ve di bêbandorkirina dorpêçan de hatine xêzkirin, ku ji aliyê Serokomar û Wezareta Karên Derve jî hatine pejirandin bi cidiyet û desthilatdariyeke tam berçav digirin û vê rêkê berdewam dikin.

Li gorî rapora IRNA`yê, Husên Emîr-Ebdullahiyan roja çarşemê li 10`emîn civîna meclisa pisporên rêberiyê li raporekê li bara dawîn pêşhatên siyasî û navneteweyî û destkeftên siyaseta derve ya Komara Islamî ya Îranê li heyama yeksalî ya dewleta gelanî pêşkêş kir û pirsên endamên Meclîsa Pisporên Rêberiyê bersivandin.

Di vê hevdîtinê de Emîr-Ebdullahiyan bal kişande ser guhertina hijmar û qalîteya aktoran di asta navneteweyî û zêdebûna aktorên hikûmî û nehikûmî di vê hawirdorê de û got: Hemû hewlên Amerîkayê ji bo çêkirina rêkkeftinên nû yên siyasî û ewlehî. li herêmê bêyî hebûna Komara Îslamî ya Îranê têkçûne.

Wezîrê karên derve yê Îranê şert û mercên niha yên hawêrdora navneteweyî bêîstîqrar da zanûn ku Pergala Navneteweyî xistiye ber guhertinê û bûye sedema hebûna navendên curbicur ên qeyranê li navçeyên curbicur ên coxrafiya cîhanê û di dewamê de teqez kir: Di şert û mercên wiha de, Komara Îslamî ya Îranê bûye keştiyeke aram di oqyanûsa cîhanî ya bi pêlên mezin de.

Emîr-Ebdullahiyan bal kişand ser îtirafa dost û dijminan li ser rola yekta ya Rêberê giranqedir ê Inqilabê li xistina aqilane ya welat ser riya rast û birêvebirina pêşhatên siyasî yên aloz ên navnetewî  û got: Bi saya rêberiya aqilane ya Rêberê Giranqedr ê Inqilabê. îro di warê ewlekarî û aramî, pêşketin û desthilatdariya netewî de rewşa me ya herî baş heye.

Wezîrê karên derve yê Îranê destnîşan kir: Di warê aborî de jî bi bernama geşepêdana aborî ya domdar a hikûmetê, ji bo dabînkirina refaha milet a herî zêde, emê bi başî û bi serbilindî riya pêşketinê bi pêş bixin.

Emîr-Ebdullahiyan herwiha got: Di warê aborî de, ji ber nêzîkatiya rast a hikûmetê li ser bingeha siyaseta derve ya hevseng bi sekinîna ser pêwendiya bi cîranan û welatên Asyayî, herwiha negirêdana aborî û debara xelkê bi rêkeftina CYPOA (Rêkeftina Navokî) û rakirina sizayan, pêvajoyeke pir bi hêvîdarî û ber bi pêş di wearê pêwendiya bi derve re û warên curbicur ên siyasî, aborî, bazirganî, çandî û ewlekarî de pêk aniye.

Wezîrê karên derve yê Îranê her wiha li ser danûstandinên rakirina tehrîman jî got: "Em hêlên sor ên Nizamê di mijara navokî de binpê nakin, xêzên ku rêberê giranqedr ê inqilabê di bêbandorkirina tehrîman de diyar kirine ku ji aliyê Serokomar û Wezareta Karên Derve ve jî tên pejirandin, bi cidiyet û desthilatdarî tên destnîşan kirin û berçavgirtin."