Emîr-Ebdullahiyan: Civîna BRICS ji bo aştiya cîhanê pêngavek bi hêvîdarî ye
Wezîrê karên derve yê Îranê civîna BRICS`ê wek tevgera hêvdarsaz ber bi geşepêdan û aştiya cîhanî bi nav kir.
BRICS aboriyên cîhanî yên nû yên Çîn, Rûsya, Hindistan, Brezîlya û Afrîqaya Başûr di nav xwe de dihewîne û ramana damezrandina wê vedigere sala 2000.
Ji herêma Rojavayê Asyayê tenê Îran ji bo vê civînê hatiye vexwendin.
Biryar e îro Înê, Serokê Komara Îslamî ya Îranê, Seyd Îbrahîm Reîsî, li rûniştina BRICS û hejmarek ji welatên ku bi navê BRICS Plus tên naskirin, beşdar bibe û gotarekê pêşkêş bike.
Di vê derbarê de û li gor rapora ajansa nûçeyan ya Fars News`ê, “Husên Emîr-Ebdullahiyan” wezîrê karên derve yê Komara Îslamî ya Îranê, îro Înê, di twîtekê de li ser amadebûn û axaftina serokê Komara Islamî ya Îranê di civîna virtual ya BRICS Plus de nivîsî: Bi potansiyela xwe ya mezin û vîzyona nûjen, BRICS mizgîniya tevgerek bi bandor e li ser pêşkeftin û aştiya cîhanê.
Wezîrê karên derve yê Îranê her wiha got: Em di çarçoveya dîplomasiya dînamîk de her derfetê ji bo pêşdebirina armancên neteweyî bikar tînin.
Wang Yî wezîrê derve yê Çînê duh (pêncşem) di pêwendiyeke telefonî de li gel Husên Emîr-Ebdullahiyan pêşwaziya amadebûna Reîsî li rûniştina BRICS kir û hêvî xwest ku rêya dîplomasî û diyalogê bibe sedema lihevkirina li danûstandinên Viyenê.
