Kemalvendî: Heta ku lihevkirin pêk neyê, zanyarî li cem Îranê dimînin
Berdevkê Rêxistina Enêrjiya Atomê ya Komara Îslamî ya Îranê destnîşan kir: Heta ku lihevkirin pêk neyê, dê zanyarî li cem Îranê bimînin.
Bêhrûz Kemalvendî, Berdevkê Rêxistina Enêrjiya Atomê ya Komara Îslamî ya Îranê di gotûbêja bi Al-Alamê ra derbarê veguhestina hin binkeyên navokî ji navenda Tesaya Kerecê bo Netenzê, got: Me gelek bername ji bo berfirehkirin û berhemanîna makîneyên santrîfiyoj û dabînkirina ewlehiyê hene.
Berdevkê Rêxistina Enêrjiya Atomê ya Komara Îslamî ya Îranê got: Ji ber operasiyona terorîstî ku li dijî Tesaya Kerecê pêk hat, em neçar man ku tevdîrên ewlehiyê girantir bikin û beşeke girîng a van makîneyan cîbicî bikin û yên mayî jî veguhezînin Netenz û Îsfehanê.
Wî her wiha got: Heta ku lihevkirinek pêk neyê, dê zanyarî li cem Îranê bimînin û dibe ku bên jêbirin.
