Emîr-Ebdullahiyan bi Serokê Parlamenta Libnanê re civiya
Wezîrê Karên derve yê Komara Îslamî ya Îranê Husên Emîr-Ebdullahiyan îro li sefera xwe ya Beyrûtê paytexta Libnanê bi serokê Parlamenta vî welatî re hevdîtin pêk anî û ser mijarên curbicur pê re gotûbêj kir.
Li gorî rapora IRNA`yê, her du aliyan li ser xurtkirina pêwendiyên dostane û biratiyê di navbera her du welatan de tekez kir.
Emîr-Ebdullahiyan berî hevdîtina bi Nebîh Berrî re, bi Serokomar Libnanê Mîşel Ewn re hevdîtin pêk anî û li ser piştevaniya xurt a Komara Îslamî ya Îranê ji Libnanê bi taybetî di rewşa aborî ya dijwar a niha de tekez kir.
Wezîrê Karên derve yê Komara Îslamî ya Îranê şeva borî gihîşt Beyrûtê û wê demê tekez kir ku eger ji Îranê were xwestin alîkariya Libnanê bike Tehran ti carî dudilî nabe û bêyî ti kêmasiyekê wê alîkariya Beyrûtê bike.
