Reyîsî: Lîsteya wezîrên pêşniyarî dê pêşkêşî meclîsê were kirin
Serokê Komara Îslamî ya Îranê destnîşan kir: Lîsteya wezîrên pêşniyarkirî destpêka hefteya bê dê raberî meclîsê were kirin.
Li gorî rapora IRAN Pressê, Seyid Îbrahîm Reyîsî, Serokê Komara Îslamî ya Îranê roja Pêncşemiyê got: Li gorî teqeziya Rêberê mezin ê Înqilaba Îslamî derbarê lezandina nasandina endamên kabîneyê, destpêka hefteya bê û di yekemîn derfetê da dê lîsteya wezîrên pêşniyarî pêşkêşî meclîsa şêwraya îslamî were kirin.
Muhemedbaqir Qalîbaf Serokê Meclîsa şêwraya Îslamî ya Îranê jî got: Li gorî Qanûna Bingehîn du hefteyan piştî merasima Sondxwarinê derfet heye ku kabîneya xwe ji meclîsê ra bide nasandin; Lê li gorî daxwaz û tekeziya Rêberê mezin ê Înqilaba Îslamî û ragihandina amadetiya serokomêr jibo lezandina damezirandina dewletê, meclîs jî amade ye ku bi lez û bi diqet di dayîna dengê baweriyê bo wezîran di vî warî da alîkar be.
Merasima Sondxwarina Seyid Îbrahîm Reyîsî wek heştemîn Serokê Komara Îslamî ya Îranê, roja Pêncşemiyê bi beşdariya rayedar û berpirsên leşkerî û mêvanên ji 115 welatan hat lidarxistin.
