Qalîbaf: Îran zengînkirina ûranyum di asta sedî 60 despê kir
Serokê Meclisa Şêwra Îslamî ya Îranê ragihand ku zengînkirina ûranyumê di asta % 60 despê bûye.
Serokê Meclisa Şêwra Îslamî ya Îranê Mehmed Baqir Qalîbaf li ser twitterê nivîsiye: "Ez şanaz im ku ragihînim şeva borî saet 00:40, zanyarên îranî karîn ûranyuma di asta % 60 zengîn bikin ."
Qalîbaf herwiha got: "Ez vê serkeftinê li gelê wêrek ê Îrana Îslamî pîroz dikim; "Vîna gelê Îranê mucîzeker e û dê her komployê pûç bike."
Li gorî name û agahiya ku Îranê roja Sêşemê radestî Ajansa Enerjiya Atomê ya Navneteweyî kir,% 60 zengînkirina Ûraniyumê dê di du zincîrên santrifûjên nû yên IR-4 û IR-6 de li Natanz were kirin.
Komara Îslamî ya Îranê ji 23ê Sibatê ve di çarçova Zagona "Çalakiya Stratejîk a Rakirina Sizayan û Parastina Mafên Neteweya Îranê" de hin kiryarên xwebexş ên di bin Rêkeftina Navokî de rawestandiye.
