Amara herî dawiyê ya Koronayê li Îranê
Berdevka Wezareta Tenduristî û Perwerdehiya Pizişkî ya Îranê îro ragihand ku di 24 saetên dawiyê de 94 îraniyan ji ber şewba Koronayê jiyana xwe ji dest dan.
Berdevka Wezareta Tenduristî û Perwerdehiya Pizişkî ya Îranê Dr. Sîma Sadat Larî îro pêncşemê derbarê amara herî dawiyê ya Koronayê li Îranê ragihand: Di 24 saetên borî de testa Koronayê ya 8 hezar û 206 kesên din pozetîv derketiye ku ji wan 687 kes di nexweşxanan de hatin razandinê û yên din piştî tedawî û dermankirina sivik çûn malên xwe.
Wê herwiha diyar kir ku heya vê demê li Îranê milyonek û 607 hezar û 81 kes bi Koronayê ketine.
Berdevka Wezareta Tenduristî û Perwerdehiya Pizişkî ya Îranê îro ragihand ku heyf û mixabin di 24 saetên dawiyê 94 kesên din ji ber vîrusa Koronayê can dan û jimara kesên ku ji despêka peydabûna vê vîrusê li Îranê heya niha can dane gihêşte 59 hezar û 830 kesan.
Dr. Sîma Sadat Larî herwiha got: Şukra Xwedê heya niha milyonek û 372 hezar û 409 nexweşên koronayî li Îranê baş bûne û vegerîne ser malên xwe.
Berdevka Wezareta Tenduristî û Perwerdehiya Pizişkî ya Îranê herwiha diyar kir ku heya vê demê 10 milyon û 674 hezar 944 kesan testa Koronayê dane.
