Ruhanî: Îran hertim li kêleka netew û dewleta Efxanistanê ye
Sweokê Komara Îslamî ya Îranê li hevdîtina serokê Konseya Bilind a Lihevkirina Neteweyî ya Efxanistanê piştgiriya xwe ji hewldanên ji bo damezirîna aştî, ewlehî û îstiqrarê li Efxanistanê diyar kir û got: Netew û dewleta Îranê hertim li kêleka netew û dewleta Efxanistanê ye.
Sweokê Komara Îslamî ya Îranê Hesen Rûhanî li hevdîtina serokê Konseya Bilind a Lihevkirina Neteweyî ya Efxanistanê Ebdullah Ebdullah li Tehranê hêvîdariya xwe diyar kir ku hewldanên ji bo damezirîna aştî, ewlehî û îstiqrarê li Efxanistanê bigihêjin encamê û got: Mesela girîng eva ye ku netewê Efxanistanê piştî bi salan şer û pevçûnan bigihêjin aştiyeke rastîn ku bikarin destkevtên xwe biparêzin û ji bo bidestxistina vê hedefê jî gotûbêjên siyasî û muzakireya di navbera efxanan pêdivî ye.
Ruhanî anî ziman ku mudaxileya Amerîkayê wek welatekî dagirker û desdirêjkar di çarçova xwesta netewê efxan nîne û got: Amerîka ku di çarçova bidestxistina hedef û siyasetên xwe li navçê û cîhanê de negihêştiye encamê, lê digere ji muzakireya Aştiyê li Efxanistanê bona hilbijartinên xwe behre werbigire.
Sweokê Komara Îslamî ya Îranê herwiha bal kişande serdesbikarkirina riya hesin a Xwaf-Heratê di rojên pêşber û lihevgirêdana riya hesin a Îran û efxanistanê sebeba zêdebûna hevkariyên aborî yên du welatan da zanîn û got: Îran amade ye bikişandina boriya gaz û berhemên neftê ji Îranê bo efxanistanê riya îstifadeya gelê efxan ji van enerjiyan amade û ve bike.
Serokê Konseya Bilind a Lihevkirina Neteweyî ya Efxanistanê Ebdullah Ebdullah sipasiya helwêst û alîkariyên Îranê ji bo Efxanistanê kir û hêvîdariya xwe diyar kir ku bi piştgiriya Îranê ji damezirîna aştî û ewlehiya rastîn li Efxanistanê, muzakireyên aştiyê yên Efxanistanê bigihêjin encamê û aştî û ewlehî û îstiqrar li welatê wî damezire.
Ebdullah herwiha qedirzaniya Îranê kir ji ber ku di salên ceng û tengiyê mazûvaniya penaberên Efxan kiriye û got:Min li sefera xwe ya Tehranê hevdîtin û gotûbêjên baş bi rayedarên îranî re pêk anîn.
