Zerîf, Ambargoyên nû yên Amerîkayê li dijî navendên fînansî û bankeyên Îranê şermezar kir
Wezîrê karên derve ya Komara Îslamî ya Îranê Muhemed Cewad Zerîf Ambargoyên nû yên Amerîkayê li dijî 18 navendên fînansî û bankeyên Îranê şermezar kir.
Li gor Fars Newsê, Wezîrê karên derve ya Komara Îslamî ya Îranê Muhemed Cewad Zerîf duh di Twittekê de boykot û ambargoyên nû yên Amerîkayê li dijî navendên fînansî û bankeyên Îranê şermezar kir û ew hewldaneke din ji bo hilweşandana kanalên mayî ji bo dayîna bihaya xwarek û dewa û dermanên xelkê Îranê li dewrana pandamya Koronayê da zanîn.
Wezîrê karên derve ya Komara Îslamî ya Îranê li rûpela xwe ya Twitterê de got: Rejîma Amerîkayê dil heye li dema panaemya Koronayê kanalên mayî yên malî ji bo kirîna xwarek û dewa û dermanan hilweşîne. lê divê bizane xelkê Îranê li ber zilma nû ya wan jî tabê tînin, fitneya wan ji bo birçîkirina civatekê cinayeta li dijî mirovan e.
Zerîf hişyarî da: Sebebkarên van kiryarên zalimane wê li ber edalet û dadweriyê bersivê bidin.
Di çarçova zexta herî zêde û cenga aborî ya ser Îranê Wezareta Darayî û Xizîndariya Amerîkayê duh ragihand ku wan der barê 18 navendên fînansî û bankeyên Îranê de biryara ambargo û boykotkirinê daye.
