Hevdîtina Şemxanî û Kazimî û gotûbêjkirina ser guhertinên ewlehiyê li navçê
Sekreterê Konseya Bilind a Ewlekariya Neteweyî ya Îranê û serokwezîrê Iraqê li hevdîtina xwe derbarê bûyer û guhertinên herî dawiyê yên siyasî û ewlekariyê li navçî bi taybetî di warê şerê li dij terorê û piştgirên wê de gotûbêj kirin.
Sekreterê Konseya Bilind a Ewlekariya Neteweyî ya Îranê Elî Şemxanî bal kişand ser kiryarên xirabkarane û qirêj ên Amerîkayê ji bo bê ewlehkirina navçê û xwest welatên navçê ji bo damezirîna ewlehî û îstiqrarê li navçê de divê bi hevkariya hevdu Amerîkayê ji navça xwe derxin.
Şemxanî herwiha bal kişand ser siyaseta stratejîk a Îranê ji bo parastina serwer û hakimiyeta dewleta Iraqê û desnîşan kir ku Îranê viyana cidî heye pêwendiyên xwe li her warî de bi Iraqê re berfire bike.
Şemxanî herwiha bal kişand ser hewldanên dewleta Iraqê ji bo zêdekirina ewlehiya sînoran û lezgînkirina cihanîna rêketinnamên dualî bi taybet di warê aborî de û eva ser xêr û kara du netewan da zanîn.
Sekreterê Konseya Bilind a Ewlekariya Neteweyî ya Îranê herwiha pêşewaziya hewldanên Iraqê yên dîplomatî ji bo ewlehiya navçê û jinavbirina neyariya navbera welatên navçê kir got: Tenê riya bi bandor ji bo derketina ji krîza bê ewlehî û terorîsmê hevkarî û yeketiya gişt welatên navçê ye bêyî mudaxileya hêzên biyanî.
Şemxanî herwiha xwest ku bila dosiya terorkirina serdarê şehîd Qasim Silêmanî û şehîd Ebûmehdî El-Muhendis ji babeta siyasî û dadwerî were şopandin da ku sebebkarên vê cinayetê werin darizandin û cezakirinê. Wî xwest ku bila her du welatên Îran û Iraqê di vî warî de hevkariyên xwe berdewam bikin.
Serokwezîrê Iraqê Mistefa Kazimî jî qedirzaniya piştgiriyên heralî yên dewlet û netewê Îranê ji serwerî û hakimiyeta Iraqê kir. Wî herwiha sipasiya netew û dewleta Îranê kir ku li şerê li dijî DAÎŞ û terorîstên tekfîrî li kêleka dewlet û netewê Iraqê bûn û got: Dewlet û gelê Iraqê ti caran piştgiriyê Îranê û sekinîna netewê Îranê li kêleka netewê Iraqê ku di vî warî de îraniyan gelek xwîn jî dan qet ji bîr nakin.
