Real Madrîdê bi 2-0 E. Frankfurtê têk bir û cara 5emîn Sûper Kupa UEFAyê bi dest xist.

Qaremana Lîga Qaremanan a UEFAyê Real Madrîd û Qaremana Lîga Ewropayê Frankfurtê di pêşbirka Sûper Kupê li Stadiuma Olîmpiyadê ya Helsînkiyê hatin hemberî hev.

Di xuleka 38emîn de bi pasa Casemiro, Alaba gog şande torê û tîma Îspanyayê 1-0 kete pêşiyê.

Nîveka yekema pêşbirkê bi vê encamê bi dawî bû.

Di nîveka duyem de, aliyê bi bandor Madrîd bû û di xuleka 65an de bi pasa Vinicius, Benzema gola duyem avêt û di dema mayî de gol nehatin avêtin, Real Madrîdê Sûper Kup bir mala xwe.

Tîma spanyayî cara 5emîn bû Qaremana Sûper Kupa UEFAyê.