Dêrsîm: Nivîskar Haydar Işık koça dawî kir
Rewşenbîr û nivîskar Haydar Işik ku bi salan e li Almanyayê dijiya îro canê xwe ji dest da.
Li gorî nûçeya malpera Diyarname'yê, Haydar Işik roja 1'ê rezbera 1937'an li Nazîmiyeya Dêrsimê hatiye dinê. Işik piştî xwendina xwe li Mûş, Dêrsim û paşê li Îzmîrê mamostetî kir. Dema li wir bû di sala 1974'an de Dibistana Bilind a Dermankarî ya Zanîngeha Egeyê xwend û temam kir. Heman salê koçî Almanyayê kir û ji wê demê de li Almanyayê dijî.
Işik bi taybetî li ser dîroka Dêrsimê û li ser elewî, her wiha li ser beşên din jî gelek pirtûk nivîsandin. Hin pirtûkên wî ji bo almanî jî hatin wergerandin.
Hin pirtûkên wî ev in: "Dersimli Memik Aga", "Dersim Tertelesi", "Şerkoy’dan Selahaddin Eyyubiye", "Bitlis Beyi Abdal Han", "Almanya’da Yitenler", "Multeci Munzur", "Arevik", "Şafagi Beklemeyecegiz", "Xecê’nin Dersim Kefareti", "Son Siginma".
