EURO 2020 - Wêlsê bi 2-0 Tirkiyê têk bir
Di pêşbirka Futbolê ya duyemîn a Koma A ya EURO 2020 de Wêls Tirkiyê bi 2 golan têk bir: 2-0. Bi vê encamê Tirkiye di pêşbirka xwe ya duyemîn de jî bê pûan ma.
Di pêşbirka duyemîn a Koma A ya Şampiyonaya Ewropayê ya 2020an (EURO 2020) de, Tirkiye û Wêls li Stadyûma Olîmpiyatê ya Baku hatin pêşberî hev.
Wêls bi golên Aaron Ramsey di xuleka 42an û Connor Roberts bi 90 + 5 de 2-0 bi ser ket. Wekî din, Wêls di xuleka 61an de nikaribû ji penaltiyeke ji lingê Gareth Bale sûd werbigire.
Bi vê encamê, piştî du pêşbirkan Tirkiyê nikaribû puan werbigre, lia aliyê din Wêls puanê xwe derxist 4an.
Di vê navberê de, Serokkomarê Tirkiyê Recep Tayyîp Erdogan li trîbûnê li pêşbirkê temaşe kir.
Di pêşbirka 2yemîn a Koma B ya EURO 2020 de, Rûsya li stadyûma Saint Petersburg hat hemberî Fînlandiyayê.
Rûsyayê bi gola ku Aleksei Miranchuk di dewra yekem xuleka 45 + 2-an de avêt 1-0 bi serket û bi vê encamê Rûsya di Şampiyonaya Ewropayê ya 2020an de yekem serkeftina xwe wergirt pûanê xwe derxist 3an. Finlandiya jî di 3 pûanî de ma.
