Di tûrnûveya tekwondo ya jinan de tîma Roj bi ser ket
Di tûrnûveya tekwondo ya jinan a li ser asta herêma Cizîrê hatibû organîzekirin de, tîma Roj bi ser ket.
Li gorî rapora ajansa Hawar Newsê (ANHA), Yekitiya Werzîşê ya herêma Cizîrê bi dirûşmeya "Em ê teqez bi ser bikevin" û bi beşdariya 8 tîmên ji herêma Cizîrê, tûrnûveya tekwondo a jinan li dar xist.
Tîmên Roj, Salar, Nadî Berxwedan, Dêrik, Cûdî, ciwanên Hesekê, navenda Nicûm a Hesekê û Dêrikê beşdarî tûrnûveyê bûn.
Gerînendeyê Tûrnûveyê yê herêma Cizîrê ya ji bo jinên tekwondo hatiye lidarxistin, Dilyar Hisên got ku armanca wan ji vê tûrnûveyê bilindkirina asta lîstikvanan û pêşxistina tekwondo li Rojava ye.
Çalakiya tûrnûveyê li hola Senabil a bajarê Hesekê bi dawî bû. Tîmên beşdarî du berhem (xeyalî û şer) pêşkêş kirin.
Tûrnûve bi serketina tîma Roj bi dawî bû.
