Wezîrê karên derve yê Tirkiyê bi mebesta beşdariya di rêûrisma oxirkirina meytê Şênzo Abê dê serdana Japonê bike.

Rêûrisma fermî ya oxirkirina meytê Şênzo Abê roja Sêşemiyê, 27ê Îlona 2022an dê were lidarxistin û nêzikî şeş hezar mêvan û zêdetirî 190 taximên derveyî ku pêşbînî tê kirin 50 kes ji wan serokên dewletan bin, dê beşdarî vê rêûrismê bibin.

Li gorî rapora Kanala TRT'ya Tirkiyê, dibe ku Mewlûd Çawûşoxlû, Wezîrê karên derve yê Tirkiyê di serdana xwe ya Tokyoyê digel Hayaşî Yûşîmasa wezîrê derve yê Japonê bicive.

Şênzo Abê sibea roja Înê, 8ê Tîrmehê li bajarê Narayê yê rojavayê Japonê di dema axaftina di rikeberiya hilbijartinê da kete ber guleyê û saetek piştra li nexweşxaneyê canê xwe ji dest da.

Biryara dewletê ji bo lidarxistina rêûrisma fermî ya binaxkirina Şênzo Abê, bûye sebeba dijayetiya digel Partiya Lîberal Demokrat.