Qirrkirin û jinavbirina daristanan wek beşeke operasiyona leşkerî ya artêşa Tirkiyê bi awayekî bêrawestan li navçeyên çiyayî yên Besta, Cûdî, Gabar û Nemazê li Şirnexê didome.

Hêzên leşkerî yên Tirkiyê bi bikaranîna hêzên parêzvan ên xwecihî bi awayekî bêrawestand darên daristanên Besta, Cûdî, Gabar û Nemazê li Şirnexê wek beşeke operasiyona leşkerî ya Tirkiyê li dijî hêzên kurd li Kurdistana Tirkiyê didomînin.

Li gorî rapora çavkaniyên xwecihî, her roj 300 ton dar li daristana Tîkerayê li Şirnexê tên birrîn. Darên ku tên birrîn bi traktorê bo navçeyeke nêzikî bajarê Sêgirkê tên guhestin û piştra ji aliyê endamên malbateke ser bi AKPyê li vê navçeyê tên firotin.