Xelkê Tirkiyê serdana Serokomarê Rejîma Îsraîlê Îshaq Herzog bo Enqerê bi lidarxistina mîtîngeke protestoyî û bi qîrîna dirûşmên wekî “Em hemû Qasim Silêmanî ne” şermezar kirin.

Li gorî rapora IRNA`yê, xwenîşanderan ku alên Hizbullah, Ensarullah û wêneyên şehîd Serdar Qasim Silêmanî hildabûn, dirûşmên "Bimre Amerîka", "Bimre Îsraîl" û "Silav li Cîhadê, silav li Hizbullahê" hatin qîrîn û serdana Herzog ya Tirkiyê şermezar kir.

Ji roja Çarşemê ve li Eyntab, Burdûr û gelek bajarên din ên Tirkiyê li dijî serdana Herzog çalakî tên lidarxistin.

Li gorî vê yekê, çalakvanên Tirk li ser rêya balafirgehê ya ku balafira Herzog li Enqerê danîbû ala Îsraîlê şewitandin û ala Filistînê bilind kirin.

Serdana Herzog bo Enqerê piştî 18 salan yekem serdana rayedarekî Îsraîlî bo Tirkiyê ye.

Serdana Rejîma Siyonîst bo Tirkiyê jî berteka kesayetiyên navçeyî li pey xwe hiştiye, lewra Şêx Ussam Telîme ji nêzîkên Şêx Yûsif El-Qerezawî, muftiyê Sunnî yê Misrê, li bersiva vê seferê di twîtterê de nivîsiye: Ji Erdogan re bibêjin li gor fetwaya Şêx El-Qerezawî kî ku dest bidin van siyonîstan neku teyemûmê bikin, divê ku ew ji bo paqijbûnê destên xwe bi ava heft Deryan jî bişon.