SAHAR

Wezîrê Karên Derve yê Rûsya û Ukraynê Sergey Lavrov û Dmîtro Kuleba bi mebesta beşdariya civîna sêalî ya wezîrên karên derve yên Rûsya-Ukrayn-Tirkiyeyê ku biryar e îro li Antalyayê bê lidarxistin hatin Antalyayê.

Li gorî nûçeya Ajansa Anatoliyê, Balafira taybet a ku Lavrov û heyeta Rûs tê de bûn daket Balafirgeha Antalyayê û heyet ji bo hêwirînê li Serîka navçeya Antalyayê derbasî Otêla Ragnum Caryayê ya 5 stêrk ku li Navenda Turîzmê ya Belekê ye bû.

Herwiha balafira taybet a ku Kuleba û heyeta Ukraynê tê de bûn jî daket Balafirgeha Antalyayê û heyet ji bo hêwirînê derbasî Otêla Ragnum Caryayê bû.

Wezîrê Karê Derve yê Tirkiyeyê Mevlut Çavuşoglu, Lavrov û Kuleba dê îro li wê otêlê bicivin.