Banka Navendî ya Tirkiyê îsal enflasyon ji sedî 23 pêşbînî dike.

Li gorî ajansa Radyo û Televîzyona Îranê, lîreyê Tirkiyê par  nîvê nirxê xwe ji dest da û bilindbûna nirxê sotemenî û xwarinê jî bûye sedema gelek pirsgirêkan ji bo xelkê.

Li Tirkiyê piştî daketina faîzê di meha Kanûnê de enflasyon derket %36. Ev rêjeya enflasyonê li vî welatî ji sala 2002-an vir ve bê mînak e.

Daketina nirxê lîreyê tirkî û di encamê de buhabûn kel û pelan û feqîrbûna gelên vî welatî, populerbûna Serokkomarê Tirkiyê Recep Tayyîp Erdogan gelekî kêm kiriye.