Ji bo Hevserokê Şaredariya bajarê Îdirê li Tirkiyê Yaşar Akkûş ê ku hikûmeta AKP-MHPê peywira wî desteser kir û qeyyûm li şûna wî danîbû, 7 sal û 6 meh cezayê girtîgehê birîn.

Li Hevserokê Şaredariya Îdirê Yaşar Akkûş ê ku peywira wî hatibû desteserkirin û qeyyûm li şûna wî hatibû wezîfedarkirin doz hatibû vekirin. Rûniştina 8’emîn a dozê duh li Dadgeha Cezayê Giran a 2’emîn a Îdirê hate lidarxistin.

Hevşaredar Akkûş bi rêya SEGBÎS’ê ji Girtîgeha Tîpa H a Erziromê tevlî rûniştina dozê bû.

Derbarê Hevşaredar Akkûş bi sedema beyanên şahidên veşartî û çalakiyên wî yên siyasî bi îddîaya ‘endamê rêxistinê ye’ 7 sal û 6 meh cezayê girtîgehê lê hate birîn.