Li Dêrsimê ji ber berfê rêya 58 gundan hat girtin
Kanûn 02, 2020 20:17 Asia/Tehran
Li parêzgeha Dêrsimê ya kurdên Tirkiyê ji ber berfa zêde rêya zêdeyî 50 gundan hat girtin. Berfa herî zêde li bajarokên Pulur, Pilemûriye, Qisle û Xozatê dibare.
Li navçeyên bilind ên wê parêzgeha kurdnişîn li Tirkiyê ku du roj e berf dibare, bandoreke nerênî li jiyana rojane ya xelkê kiriye.
Li gor agahiyên ji Rêveberiya Taybet a Bajêr hatine wergirtin, li tevahiya parêzgehê rêya 58 gundan ji ber berfê hatiye girtin. Rêya 34 gundên Pulur, 19 gundên Xozatê û 5 gundên Pilemirûyê ji hatûçûnê ra hat girtin.
Tîmên Îdareya Taybet a Bajêr û Rêyan dest bi kar û xebatên vekirina rêyan kirine. Ketina berfa giran bi taybetî li bajarokên Pulur, Xozat û Pilemûriye bûye sedema girtina rêyan. Kar û xebatên vekirina rêyan jî berdewam in.
