Firokeyên cengî yên Tirkiyê bi tundî gundê Dergela li sinûrê devera Berwarî Bala li parêzgeha Duhokê burdûman kir, ji bilî zîyanan, tirs û sehim jî di nav xelkê deverê belav bûye.

Firokeyên cengê yên Dewleta Tirkiyê bi heceta hebûna hêzên PKKê duh bi tundî derdorê gundê Dergela burdûman kirîye û bi wê sedemê jî tirs û nîgeranîyeka mezin di nav gundnişînên deverê belav bûye.

Bi sedema wê burdûmanê zîyaneka mezin a madî gihîştiye xanî, rez û baxên hevwelatîyan û pawanên gundiyan.

Bi heceta hebûna Gerîlayên PKKyê li deverên sinûrî yên Herêma Kurdistanê, firokeyên cengî yên Tirkiyê bi berdewamî wan deveran burdûman dikin û bi wê sedemê jî bi dirêjahîya sinûr zîyaneka mezin digihêje hevwelatîyan  û heya niha ji bilî zîyana madî, bi dehan hevwelatî jî bûyîne qurbanî û piranîya wan gundan jî bi temamî vala bûne.