BasNews- Roja 3ê Gulanê, roja Azadîya Ragihandinê ya Cîhanê ye. Rê xistina Rojnamegerên Sînornenas (RSiF) destinîşan dike di warê azadîya ragihandinê de di nav 180 welatan de Tirkiye di rêza 154an da ye. Li gorî rapora Cemîyeta Rojnamegerên Dîcle û Feratê jî neha li Tirkiye 104 rojnameger girtî ne ku 25ê wan rojnamegerên kurd in.

Li gorî daneyên çar mehan yên raporê de li Tirkiye :- 29 rojnameger hatine deseterkirin, 10 ji wan hatine girtin.

- Di heqê 26 rojnamegeran de lêpirsîn, di yê 14 rojnamegeran de jî doz hatîye vekirin.

- 15 rojnameger jî di encama dozan de hatine cezakirin.

- Di nav çar mehan de 112 caran înernet hatîye astengkirin.

- Sazîya Bilind ya Radyo û Televiyona Tirkiyê (RTUK), dezgehên ragihandinê 13 caran ceza an sansur kiriye.

11 rojnameger ji kar hatine derxistin.

Hevseroka Cemîyeta Rojnamegerên Dîcle û Feratê Dîcle Muftugolu jibo Dengê Amerîka rewşa azadiya ragihandina Tirkiye şîrove kiriye û gotiye: "Li gorî raporên dezgehên navdeweltî em dikarin bêjin ku li Tirkiye Azadîya ragihandinê nemaye. 104 rojnamegerên girtî jiber nûçeyên ku çêkirine tên cezakirin.Serokomarê Tirkiye jibo opozîsyon û rojnamgeran dibêje ji vîrusa korona xerabtirin."