Wezîrê karên derve yê Tirkiyê Mevlut Çavûşoglu li ser Lîbyayê ku diqewme bibe Sûriyeke din hişyarî da.

Li gor Tesnîmê, Çavûşoglu duh got: bila welatên navçê ji bo girtina pêşya çêbûna Sûriyeke din ji Lîbyayê dest bi kar bibin û gavên bi bandor bavêjin.

Wezîrê derve yê Tirkiyê herwiha hişyarî da ku tevîhevbûn û têkçûna Lîbyayê bi lez bandorê li welatên navçê dike.

Serokomarê Tirkiyê Receb teyib Erdogan li sefera xwe ya Tûnisê îdiakiribû pênc hezar kirêgirtiyên Sûdanî û Rûs li kêleka      hêzên general Hefter li dijî Terablosê şer dikin.

Ji 4 salên berê ji ber dijberî û neyariya di navbera partî û komên lîbyayî ev welata bi du paran parve bû ku her parek xwediyê parleman û artêşa cudaye . Para rojhilata Lîbyayê li bin destê hêzên Artêşa Nîştimanî ya general Xelîfe Hefter ku paytexta wê Tebreq e û para rojava ya bin destê Dewleta Wifaqa Neteweyî ya Faiz Sirac bi paytextiya Terablosê ye.

Di vê navberê de berdevkê Artêşa Niştimanî ya Lîbyayê Lîwa Ehmed Mismarî jî dibêje: Tirkiyê çekdarên tundrew ji Sûriyê dişîne Lîbyayê, hinek ji wan çekdarên cebhet el Nusre ne û hinek jî ji wan çekdarên DAIŞî ne.