Duyemîn gereçavdêrîya bejayî ya hevbeş a hêzên Amerîka û Tirkiyê li ser sînorê bajarê Girê Spî li bakura Sûrîyê dest pê kir.

Di çarçoveya avakirina navçeya aram de,îro Sêşemî 24ê Îlonê ji bo cara duyem hêzên Amerîka û Tirkiyê gereçavdêrîya bejayî pêk anîn.

Li gorî raporan, Îro 4 otomobîlên zêrêhpûş ên hêzên Tirkiyê li 15 kîlometriya navçeya Akçakale ya ser bi Rihayê ve derbasî bakura Sûrîyê bûn û tevlî karwanê hêzên Amerîkayê li rojhilatê bajarê Girê Spî bûn.

Hêzên hevbeş ên herdu welatan, piştre gereçavdêrîya bejayî ya duyem li wir dest pê kirin.

Beriya niha hêzên Amerîka û Tirkiyê roja 8ê Îlonê bo cara yekê gerreçavdêrîya bejayî li bakura Sûrîyê pêk anîbûn.

Herwiha herdu welatan, ji dema rêkeftina li ser pêkanîna navçeya aram ve heta niha, 6 caran gerreçavdêrîyên hevbeş encam dane.